talash hai
Posted by
Maddy
Labels:
Composed-line
jo mujhe sukoon ab de sake bas ab aise dar ki talash hai
vo gunaah ho ya sawab ho mujhe us amal ki talaash hai
mere sare sapne bikhar gae main to choor choor ho chuka
jo mujhe samet ke rakh sake us ek ghar ki talash hai
main khafa hun har ek rishte se ki sila hai inse mila nahi
jis rishte ka nahi naam ho ab usiki mujhko talash hai
kabhi titaliyon ke se khwab the aur ek phool meri talash thi
magar thokaren hi milin mujhe ab pattharon ki talash hai
vo ajeeb sa mera ek dost mere dil ke itne qareeb hai
ki apni khushi to main bhool gaya uski khushi ki talash hai
milen rahaten use chahten ki vo zindagi me sada hanse
ye doa meri jo sun sake mujhe us khuda ki talash hai
Subscribe to:
Post Comments (Atom)
Post a Comment