Sep
12
aa ja ki tera intezaar baaqi hai !
Posted by
Maddy
Labels:
Composed-line
Abhi to baaz ki asli udaan baaqi hai,
Aur bhi iss ka ek imtehan baaqi hai !
Ahle dil hamne jalaya tha roshni ke liye,
Jale makaan ka ab bhi nishaan baaqi hai !
Ham mohabbat mein mite unke liye til til kar,
Unko ab bhi hai gumaan ek jaan baaqi hai !
Chand lamho ki saza umr tak saha maine,
Ab Janaze mein mere kuch saamaan baaqi hai !
Har ek naks ko hamne bigadte dekha hai,
Hamara tanha dil lahu loohan baaqi hai !
hamare pyar ki zameen to tumne baant hi di,
Hamare dilon ka ek aasman baaqi hai !
Ab na baqi hai kisi par bhi bharosa karna,
Haath mein kuchh nahi saara jahan baaqi hai !
Mere khulus-e-ishq ka tu imtehan na le,
aa ja ki tera intezaar baaqi hai !
Subscribe to:
Post Comments (Atom)
Post a Comment